15 January, 2010

771

Salam Jumaat semua .....


Esok dah sabtuuuuuuuuuu....
Lusa dah ahaaaddddddddd...
Tapi tulat tu dah hari isnin , kerjaaaaa bebbbb ...



pB dok perasae tahun 2010 ni , tahun hok tok brapo cerio. Asyik ado masaaloh jah. Tapi tok leh pB blame kor tahun , ni semuo ketentuae Allah. Tok gitu. Sejok duo menjok ni , asyik dok jerik jah. Lepas sor masaaloh tubek sor masaaloh.

Maso hujung tahun hari tu , pB sedih sangat - sangat sebab adik pB nok keno pindoh ko Muar. Orghe lain adik bradik duo tahun sekali baghu jupo pun tok sedih , ini kae pulok pB hok dok jupo tiap tiap minggu. Sebab dok jupo tiap tiap minggu tu lah , buat pB jadi sedih. Sedih sebab pah ni , jarae lah nok ado acaro makae-makae bersama , tengok woyae bersama , bbq bersama n anok anok maing bersamo.

Tapi lepah dio pindoh ha'ghi tu , buleh dikata'kae jupo jugok tiap tiap minggu. Hik hik hik. So , tak dok sero sangat. Kalu rindu rindu sangat gak , ambik bah dari Shah Alae , gie jah kor Muar tu. Bukae supo nok eklik klatae pun , duo jae doh buleh sapa doh. Tambae pun tok mahal. 18 rial jah.

Kehilangae keduo pulok , saing baik pB merangkap kakok tepat pB bercerito share crito suko duko tu buleh VSS. Dio nok ikut tok laki dio krijo di Vietnae. Pah ni , tak dok lah sapo sapo hok pB buleh nok mengadu nasib. Biasolah , orghe tino ni , kalu serabut serabut , dio keno luoh. Kalu tok luoh , lamo lamo buleh sakit jiwo. Gila meroyae pun buleh tahu.


Pas tu , timbul pulok masaaloh kat pejabat. Mulo mulo tu memae la sakitnyor jiwo pB raso. Tapi lamo lamo , sakit tu hilae. pB pun tok kesoh doh. Azae pB , maghi krijo , buat krijo pB , bendo laing pB tohok tok tepi. Kalu buleh , krijo tu buat molek molek. Jangae ado silap.

Lonni maghi krijo pun , buleh doh dengae senaae hati. Kalu orghe tegur , jawab. kalu orghe di'ae , kito pun di'ae. Bor doh charo charo kor hal orghe ni. Baik jago hal diri sdiri. Jangae cari nya'kit, kalu orghe tuo kato.


Pasal adik , pasal saing , pasal krijo kiro buleh adapt doh. Run with the flow , orghe puith kato.

Hok masaaloh dengan soulmate tu , baghu baghu ni , nok sapa doh ko kemuncak. Memea pB betul betul sero nok pecoh dado doh. Maghi krijo pun , dok ne'gung jah. Ado skali tu , pB tok leh doh nok krijo . Keno selesai , pB kato.

Betulae aBear ado di Shah Alae. Ata sms kor dio , kato pB nok urgent leave. Pas tu dio sms balik. 'Ok , kelik pah tu dio tunggu bowoh pokok dekat ghumoh tu".

Ambik dio , pah tu kito orghe gie IOI. Sapa IOI , beli tiket wayae. Kelih lar crito baghu John Trovolta "OLD DOGS". Tok sio sio lah tengok crito tu , sebab crito tu all de bery bery hilarius. Berair mato dok suko. Padahal berair mato sebab sedih pun nyor jugok. Tapi lebih dok jerik tu , raso lego dalae hati. Hilae raso nok maroh , hilae raso sakit hati. Nok kato masaaloh tu selesai , dok jugok.

Sebab pB tahu , masaaloh tu tok akae buleh selesai pun. aBear pun tahu. Kiro keno banyok sabar n cubo lah sedayo upayo untuk memulihkan keadaan.

Lepah tengok wayae tu , gie lah makae kat satu kopitiam ni. Kopitiam orghe klate. pB oda kuzi ayae dengan roti arab. Sebijik supo hok pB buat. Memeaeee sedappppp. Tapi mahal lah sikit. Dio cah pak rial setengoh. aBear makae nasi kerabu. Pado pB nasi kerabu ni kurae sikit lah. Tak dok keropok pulok tu. Kalu ado keropok , na'kak lah jugok.

Sapa kor hari ni , tak dok lagi nok masae masae muko doh. aBear kato kalulah pB buleh tahae selamo 30 hari tidok me'chok dengae dio , tidok naik angin , tidok dok ngukit , dio nok bui hadioh. Hik hik. Rasuoh lar tuuuuu. Tak po , pB akae cubo for you my darlingggg.

Esok , kito orghe nok g Family Day. Di Tamae Deso WaterPark. Anjurae tepak aBear krijo. Mulo mulo tu , pB sero tok say gie. Tapi fikir fikir , bilo lagi nok berasmara dana dengae aBear dalae air, so , setuju sajo lahhhh.

Ado kor , hok nok gie WaterPark esok tu?? Kalu jupo pB , tegur tegur lar dehhhh....

Habis lah cerita kisah pB untuk permulaan tahun nie. Doakan agar sepanjang tahun ini , pB akan mendapat kebahagiannnnn. No more sad storyyyy ...




Jerik = Nangis
Tukek = Keluar
Ha'ghi = Hari
Tak dok sero = Tak ada terasa
Tambae = Tambang
Meroyae = Meroyan
Hilae = Hilang
Maghi krijo = Datang kerja
Tohok tepi = Buang tepi
Jangae = Jangan
Di'ae = Diam
Bor doh = Dah tak
Charo - charo = kisah kisah
Ne'gung = Termenung
Na'kak = Ada kick



12 comments:

AyunasiA said...

terkial2 baca, tapi paham gak. semoga bertemu kebahagiaan kak...

risanur said...

salam kak pb...susahnye nak faham jln ceto kak pB ni...merangkak risa membacanye...
risa harap kak pB tabah menghadapi segala dugaan walaupun baru awal thn...senyum2 selalu...

Unknown said...

tabah dan sabar ye kak...suma tue dugaan....

pB said...


~O~
Betul tu.. Dugaaaaaaaannnnnnnnnnnnnnnnn





RISANUR
Salam.
Sib baik merangkak. Kalu mengesot, lagi parah. Sekali sekala kak pB nak meluah guna dailek klatae. Tak per kan ...

Insyaallah , kak pB akan terus tabah dan terus tersenyum

Thx Risa





AYUNAZIA
Sib baik faham. Bukan tak bahagia tapi nak lagi bahagiaaaa ...

Hjh Noralenna Abbas said...

Salam pB,
Dapat juga belajar dialek cik mek molek.TK pB.

Sally said...

adoii tergeliat lodah Sally membaca n3 ni..

mujur ada glossary kat bawah tu..hehe

yes pB, choose to be happy..hok laing2 tu tolok tepi blako! ( ok tak Sally kecek Klate nih?)

WRA said...

ssemo-ssemo tu sebenarnya atah kito PB...sbb kade-kade pikirae kito hok menyebabkae kito jadi rusing, jadi takut, jadi mace-macelah....

k.wear dulu lagu tu lah...srupo jah kito nyo...tapi lloni, lepah belajar mace-mace ni, kito fikir bendo positif jah...bendo molek jah...so, tak akan sakit hati punya...kalu ado bendo tok molek pun, k.wear mesti cari heloh nok tukar jjadi positif ko, jadi kelakar ko...insyaAllah, slow slow.....beso dio doh, ujian mari sekali sekalo...kito buleh lepah ujiae tu dengan elok, kito patut rasa hepi hehehehe....

Maiyah said...

don sad sad hehe spekong lak.. ada pelangi dihadapan tu

IKHWANI said...

Kak wear tow, ambo setuju blako hok demo ghoyak..

Dulu kak wani suko benar buae energy pikir hok sedih-sedih..

Alhamdulillah, lepah belajar, baco buku, kito tera la apply sikit-sikit sambil banyakkan berdoa tu, insya-Allah kalu nok maroh pong tok dae lebih seminit..

Tips: setiap kali perasaan maroh tu maghi..baca istighfar (astaghfirullahal 'adzim) - 3 kali

hok ni kalu baco syaitan iblis macam keno panoh..

memae khijo'ae demo ni la kalu braso hok pelik2 tu gak..

pah baco ayatul kursi ...

tera lah amal ..simple jah Da..

TAKE CARE! HUGS.

adanz said...

besh entri ni pB.... erm mudoh nya abe dio pujuk ... ajok tgk woye jah kiro bereh laluh... hmmm bagus la dah balik baik smula gak... mudoh2he kekal lagu tu sokmo

zino said...

baca juga dan buat2 paham hehe

Ummi said...

dah pandai sikit2 bahasa kelantan ummi

macam PB kata pasal datang keja dan buat keje, kawan yang ummi cok cerita masalah pun berhenti, so ummi pun bila orang tanya ummi jawab selebihnya diam aje, sedih gak kan :(

tapi life must go on, nak buat camna, mana ada orang tak ada masalah, mcm2 masalah tapi entahlah, kdg2 malas nak fikir tapi kena fikir gak

sigh....

Hmmm

Entry lepas perasae nok post kat fesbuk , tok leh sebab fren waktu pejabat kul 830 pagi. kul 900 tok masuk lagi pakat dok lepok kat bo...