1134 / Entry membebel lagi

Bilo tok update , tok update berhari-hari.
Bilo maghi rajing , tu dio , dalae sari , duo kali update.'
He he he he ....

Dan bilo update guno dailek Klatae lagu ni ,
mesti maknonyor nok membebel .....
(laju sikit naip bili tulih guno dailek negeri sdiri nie)


Tengoh hari tadik , pB gie kor Bank Rakyat kat Precint 8 , Putrajaya.
Kalu sapo-sapo hok beso area tu , mesti tahu area tu memae padat.
Sebab situ ado pasar. Doh la ado pasar , ado pulok pejabat krajae.
kalu tok silap Jabatae Pelajarae (Bahagiae Kaunseling dok situ)
keno pulok Bank Rakyat ado situ.

Parking memae bermasaloh situ.
Sempit pulok tu keadae jalae dalae tu.

Alhamdulillah , dengae berkat kalimah "Ar Razak" pb dapatlah tempat letok kreto.
Haaa, nok pesae kalau sapo-sapo hok payoh nok carik tempat letaok kreta , maso on the way
ke tempak hok kito tuju tu , bacolah "Ar Razak - Ar Razak" tanpo berhenti , insyaallah , Allah
permudohkae urusae cari parking.

Urusae dalae bank tu smeta jah. Dalae 30 minit , selesai.
Hok tok 'behh'yor , bilo sapa tepak letok kreto tu.
Ado pulok hok blok kreto pB.



Kalu haghi ni bowok kreto kecik , buleh jugok pB ejah-ejah sapa buleh tubek.
Tapi haghi ni bowok angso , tok brapo brani  lah weh.
Keno pulok tepi sebeloh kiri tu , tok luah mano space hok buleh pB 'go heck , gostae' kreto.

Nok tunggu situ , panah...

Nok tahu gapo hok pB buat ......


1) pB gie smula ko Bank Rakyat tu.
2) pB mitok pokcik guard tu tulih no kreto wira tu atah kretah (pB tok suruh tapi dio hok tulih sdiri).
3) Pok Guard tu akak kretah tu , buat annoucement.

memae soh , adolah soghe mamak krajae nie , dok tengoh tunggu gilirae nok buat urusae di situ.


Setakat ni ok lagi , everything went smooth ., kan.
Tok kea pasal ni pun pB nok ngepek.....

pB ngepek sebab

Mamak krajae ni langsung tak dok mitok maaf dengae pB .
Doh lar dio block kreto pB , dia buleh kato  ' buleh ni kalau keluar'....

Hampes tul , dah lar sebelum tu pB yang mintak maaf dengan dia sebab terpaksa mintak dia keluar dari bank dan alihkan kereta dia ......



Sungguh kurang di'ajar' pegawai kerajaan Jabatan Perdana Menteri nie .....
(kat cermin kereta wira tu ada sticker jabatan tersebut)
Harapkan putih kulit jer .....
Tapi hati dot dot dot

Apa salahnya kalau dia mintak maaf dan senyum ....
Susah sangat ker ???????????

Comments

MOKCIK AZWA said…
eh..dia yang salah kita pulak disalahkannya... kang kalau kita teruskan juga keluar kang langgar kereta dia, sapa nak bertanggungan..

kalau ye pun nak blok kereta orang, lepas la hand brake tu atau letak nota no hp utk dihubungi..biasa di opis kami buat camni..

hehehe..terus mokcik pun ikut sama jadi panas hehehe..

p/s errkkk PB dah dekat benor ngan rumah mokcik tu tau..tadi pun mokcik ada kat medan selera membeli makanan utk anak2 ihikss..
Ibu n Abah said…
kisah block kereta orang ni mmg satu perbuatan yg tak bertanggungjawap...
sebab bukan semua orang tahu 'handbrake' dilepaskan..lebih2 lagi jika perempuan mana tahu trick mcmtu..
kita tak sanggup nak senang2 block kereta orang dan kita harap orang tak mudah2 nak block kereta kita.
jika perlu jugak nak block kereta orang... mesti ada seseorang dalam kereta tu untuk alihkan kereta itu bila perlu...
dah bertahun2 akak bawak kereta.. macam itu caranya jika pergi ke suatu tempat yg payah parking... pergi berdua...
Rumah Kuning said…
napak pesen tu...buleh tubik. tapi gak ghebeh bamper depae keto wira tuh kena tepoh.
Umm N said…
setuju dengan Ibu n Abah! Kak Wani pom buat lagu tu jugok kalu gi tepak hok payoh parking..gi 2 oghe, soghe tunggu dalae kheto standby..
KhaiRin : anies said…
sik baik la kite ni ada 'iman' kn... kalu ikut amarah...mmg habis la
aNIe said…
Hehehe...panjang bebel tu...hehehe...memang kadang geram kan dengan orang yang letak kereta sesuka hati diorang je...
pB said…

KAK ANIE

Geram sebab dia tak mintak maaf ....
pB said…

KHAIRIN : ANIES
Kalau ikut hati , memang akan binasa .....
pB said…

UMM N
Kalau g satu-satu tepak tok lamo , buleh guno charo ni. Tapi kalau bank , payoh ... Nyak-nyo kor hok dok tunggu dalae kreto.
Irfa said…
mesti dalam hati dia kata 'eh!pompuan ni..boleh je keluar.saja nak susahkan aku'tanpa disedari dia dah menyusahkan org lain.

susah ke nak cakap maaf @ sori?tak paham la//ego tahap langit
cheqna said…
sdap beanr tu kalu jupo ngan ambo tu..meme keno parokla tok reti nok mitok maaf...
m.u.l.a.n said…
tak baik la camtu... susah sangat ke nak mintak maaf..
Anonymous said…
biasanya yng bawak kete opis neh level bawah kak...tu yang dia berlagak sket...wat malu nama jabatan jerr
e.l.i.s.s.m.i.e said…
basor tok reti baso lagu tuh laa.. panas hati baco.

Popular Posts