1253

Pak limo bulae lepah, Tok Ma beli handphone baru.
Dio bukae nok beli sangat pun , tapi lebih kurae terpakso beli.
Sebab handphone hok pB beli kor dio , Kakak ambik bowok gie asrama.
Kiro Kakak ambik sementaro.
Tapi , nyor tok tahu Kakak bu-wak lagumano , handphone tu rosok.
Mako , Tok Ma pun belilah handphone baru.

Dio dok kato, handphone saing saing dio canggih canggih blako.
Buleh rekod orghe nasyid, buleh rekod usroh.
Buleh tengok video.

Jadi pB ingat kor dio nok lah smart phone nie.
Makonya , belilah handphone Samsung.

Tok Ma tak dok lah paka sangat.
Setakat call tubek gan sms kor saing saing masjid jah.

Tapi anok anok pB ... wah wah wah bermaharajo lelo sungguh lar.
Nyor download macae-macae .
Nok nok lagu korea.

Lepo Tok Ma letok handphone atas almari , mesti lesap.
Ge'gae Tok Ma dok cari handphone dio.

Dalae sebulae duo , bil ok lagi.
Tapi bilo maghi bil bulae lepah , nok pengsaaaaaaaaan pB.
RM Duo ratuh lebih ...
pB dok diam jah dulu..
Royak doh kor budok budok tu , pB tok sir bayar bil tu guno pitih pB.
pB akae guno duit tabung demo tu.
Merungut lar jugok ....

Dalae dok sibuk sibuk hal krijo , hal pening lalat , pB tok ingat lar nok bayar dulu
guno pitih pB.
Pitih budok budok tu dalae Tabung Haji , nok keno demo tu sdiri gie ambik.

Sekali maghi bil bulae ni, keno dalae LIMO RATUH LEBIH tuuuuuuuuuu.

Adusssssssssssss ..............