17 November, 2006

RISAU

Talk tahu bakpo la sari duo ni asyik nok nulih guno bhaso ibundo jah.
Saja kali nok suruh saing saing hok masuk umoh PB ni geliat lidoh.
Jange maroh deh...
Mungkin sebab ado hok puji 'kelah gitu'.
Naik pra'se la pulok.
Bro Zino , Kak Zie...sabar nyer...sehingga angin wayang kulit ni hilang...

Pagi tadik, lepah minum pagi de'ge che abe, baru masuk ja'bak.
Masuk masuk , bu'ke nyor teruh buat krijo.
Masuk blog sdiri lah dulu, lepah tu dok mera'ya masuk blog saing saing.

Tengah hari tadik pulok, ado saing ajok gie dumoh dio.
Open house talk abih abih lagi.
Ma'ke nasi beriani , dalca u'de n a'ye masok meroh.
Sedak kak'loh lah.
Namboh sapa duo ping'ge.
Ni, bilo masuk opeh, mato berat jah...
Sma'ye zohor pung belum...

Smeta jah sari sari. Raso baru jah hari is'na baru baru nie.
Nie hari jumaat doh.
Hari ahad, tok ma jamu...
Mitok maaf lah weh saing saing sebab PB dok ajok...
Bu'ke tak dok niat tapi PB takut PB talk dhe tangan sebab nyor ji're sajo doh 80 orghe.
Tu tok temasuk sedara maro lagi.
Nantilah, bilo PB ado rezeki lebih, PB jemput saing saing blogger pulok..
Ampunnnnnn.......

Smale sebelum tido, dok main main dengan anok hok kecik tu,Nurin.
Nurin ni, sbelum tido dio me'me suka bua bua.
Bua bua sambil tengok tv.
Mache mache bendo lah hok dio cerito.
Cerito dio g mana hari ni dgn tok ayoh..
Tok ayoh gie ambik beg (kat kelana jaya).
Beg tok ayoh kaler meroh datah, kelabu bowoh.
G ma'ke nasi a'ye kat Giant lah...

Suko jugok dok mela'ye dio sorghe nie.
Tapi hok PB talk te'he bilo dio talk bui PB tido.
Kalu PB jene'ro dio siap buleh gie akak aka lagi kelopok mato PB.

Tibo tibo hati PB jadi sayu lahhhh..
Sebab minggu de'pe nok keno ata dio balik ka'pung.
Mako senyap sunyi lah PB di Puchong ini.
Keno pulok kalu che abe keno outstaion, terkulat kulat lah PB sorghe diri dumoh.
Nurin ni talk rajin lagi lah be'rengge dengan PB lepas PB abih ngaji nie.
Kalau royak royak ko dio hok dio nok keno dok Salor, senyum jah .
Kalu tanyo, Ok sumo , tapi tulah kan.....kito tok tahu..

Rusing , takut male male dok jerit cari mama .....
ini dialog Nurin :
Nati tok ma tok ayoh g ekah,
mama abah g erja
win, kakak, kak lang, kak ngah dok umah tok ma ombo 2.
win main gan along...
kalu susu, win uruh kakak buat

11 comments:

dlt said...

kak pb, sedih la pulok kali ni. kecik2 pun panda doh plan. lamo la tu anok2 dok salor? nurin tu brapo tahun? takutnyo nati ma dio hok jeghik, anok suko jah. hehe!

WRA said...

hehehe...nok ssuko baco komen dlt...sungguh jugok tuh...takut ma dio hok jeghik lebih2, anok tak dok ggapo sekaro hehhehehehe....

Puteri Satu said...

salam perkenalan kak...rasa dulu penah visit blog ni....tapi apa pun salam perkenalan...nak tanya pengalaman akak makan Salindah la...sekarang saya try ambik Salindah tapi baru lagila...baru seminggu...sekarang peknen 14 minggu...

MQ said...

silap la kak PB..bukan mkn telur masin ngan nasik dagang..mkn ngan nasik ulam..hehehe..sekali ngan daging bakar dan cili solok tu..buh budu tu lebih skit..baru ngam..

tumismenumis said...

weey laa. 'Siang nyer ker dier.
Doh bakper nok kelik attar ker Salor nyer, takdok oghang nok 'ngasuh ker guaner?

Pah. Ma dier pulok guaner, buleih ker dok so'ghang? Dok meghagang ker tu?

*Bila nak datang KK?

zino said...

pening pening pun zino baca jugak.. asal jangan pitam dah la.. hehe

zino pernah tinggal along dengan angah dua minggu kat kg dulu.. masa dia org kecik lagi.. bila kita org balik.. dia org terkam terus.. hehe ghindu sangat le tu..

lepas tu tak tinggal lagi dah hehe..

AKMA said...

Adehla PB.

Berpinar mata! He he he. Letih mengeja baru leh faham. Lama sangat tak menjenguk ke mari.Makin bserseri rupanya. Teruskan menulis kay.

AKMA

Anonymous said...

hehe...raso nya k.PB yg jeghik dulu teringat ko anok2...budok2 tu bila doh jupok saing terus lupo makbapak biasanyoh...hikhik...
k.PB jgnlah sedih2...Bie cdgkan k.PB pujuklah abe jgn gi outstation sementara budak2 ni takdok..buleh laa k.PB nak berdua2an dgn abe sementara anak2 takdok nie...ok tak?

kasutVINCCI said...

kv pun tertanya tanya boleh ke nurin tu dok kat kampung. Kalo yg lain tu tak kisah lahm dah besar pjg. Heheheh. Kv terbayang kalo hang nadim, mesti haru biru.;)

ibuVouge said...

salam kak pb
baca blog kak pb sejak akhir akhir ni mcm masuk kelas bahasa ibunda hubby la
minggu depan nak balik sana
ini mmc nak refresh la bahasa klte
takla nganga saja bila org cakap

rasanya kak pb yg 'jerit' nurin tak pe

edyan7 said...

meme sedih do'oh kalu pisoh nge anok ni... yan gi kijo pun, pete segho mace pisoh s'taung doh...huhuhu...

sori deh... yan kecek broken klate jah!

Hmmm

Entry lepas perasae nok post kat fesbuk , tok leh sebab fren waktu pejabat kul 830 pagi. kul 900 tok masuk lagi pakat dok lepok kat bo...