BAHASO KITO

Salam Semua ....

raso raso nyor kalu haghi jumaat ni , kurae orghe masuk blog.
masing masing sibuk dengae krijo.
yo lor , masing masing sibuk nok perabih krijo sebab esok luso cuti doh.

Haghi ni , opeh senyap , tok brapo havov.
Duo orghe ambik cuti.
Ambik cuti sebab demo tu , nok buak open house esok.

Petae ni , raso nyor nok g alah Sunway.
Pejabat situ buat 'open pejabat'.
Kito all hok kat shah alae ni dijemput.
Tapi napok langit luar tu, supo nok hujae jah.
Kalu ado hok hok jatae ni nok g, pB tupae lar sekaki.

Esok, kalau ikut ikut nyor pB ado 3 ghumoh hok pB keno g.
Sor ghumoh tu , majlis stat pukol 2 petae.
Tu dekat jah, area area Shah Alae jah.

Ghumoh hok no duo , pulok , mulo pukul 5 petae sapa kor malae.
Ni kat Meru.

Ghumoh no tigo , stat pukol 830 malae, lepas isyak.
Ni pun kat kat area Puchong jah.

Ghumoh no satu tu , pB buleh g.
aBear bui green lite.

Ghumoh no duo hok kat Meru / Kapar tu , aBear bui RED Lite.
Kato dio, jauh .
Tok soh g , sebab dio tak dok esok.
aBear ado kelah stat puko 12 tengohari sapa kor lapae malae.

Hmmmm

No satu dengae no duo tu , saing opeh pB.
Rasonyor, kalu pB tok g , hok no 2 tu , mesti murko bilo jupo pB Isna ni.
Tapi nok wak lagu mano , doh Big Boh tok bui..
Tok khe nok lawae pre'toh Big Boss

Ghumoh no 3 hok malae tu pulok, saing blogger ni .
Rajing doh jupo dengan dia dulu skali.
Maso tu , dio ado kiring kain tudung dari Klate.

Insyaallah , kalau ado rezeki pB n jodoh pB nok jupo dio lagi,
malae tu , mesti pB sapa .....

So , tu jah lah story mory untuk haghi jumaak ni.

Pado sapo sapo hok , dok merakok merakok baco n3 ni , pB mitok maaf.
TIbo tibo sero nok nulih dalae bahaso klate kito haghi nie ...........