26 April, 2012

1139

Mulo-mulo pB beli key chain jah dengae sorghe pengikut tu. RP150 ribu untuk 10 keychain. Ingat kor , bendo tu habis sta-kak tu jah. Ghupo-ghupo-nyor belum maaaa ....

Nasib baik , jalae nok ke kenderaan tok samo dengae jalae hok nok turun. Kalu samo , rasonyo , anok-anok daro pB keno dukung pB. Memae tok larat doh nok panjat gunung maso tu. Jalae balik tu lebih landai dan lebih dekat sikit.

Maso nok ke van , sorghe daripado pengikut (hok pB tok beli baghae tu) ikut jugok pB. Maso dok jalae-jalae tu , kito bua-bua lah kan. Namo dio Fendi. Ado anok soghe. Bini pun tok krijo. Kalu lepah buat krijo ni , balik kapung smula (jalae kaki tu) , pah tu gak buat krijo kapung lar selamo sebulae sehinggo cukup tempoh untuk naik semula Gunung nie. Krijo kapung supo carik kayu api , tanae sawoh. Tanae sawoh pulok mula dari pagi sapa kor petae , upoh cuma 15 ribu rupiah bersamaan dengan kalau tok silap RM5. Gilo tu , krijo punyo lah susoh , lima rial jah upoh... Hu hu hu ... Kalau anok sakit , berubat charo kapung jah. Sebab kalau nok hatar spital , keno bayar lagi walau pun spital krajae. Sekoloh pun keno bayar yurae tiap tiap bulae. Beras dek nung mahal , tau. Walaupun ramai hok na'nae padi. Lupo doh brapo rial sekilo. Sayur sayur mughoh sebab demo tu tanae sdiri. Mano tok be'lah dengar crito lagu nie.

Bilo nok sapa kor ngu'jung jalae , dio dok pujuk lagi pB beli rata tangan magnet tu. Tu hok keno skali lagi. RP150 ribu , untuk duo gelae tangae. Gelae tu pun tok tahu dok mano doh haghi ni. Nok keno kelik carik nie.

Hu hu hu
Faham tak apa yang pB bebelkan nie????

Tapi tak porlah , kiro pB sedekoh ..... Kalau dio na'wok gak , dio tanggung lar ....
So lagi nok crito , demo ni mulut manih. Mesti doa doa ko kito supayo mughoh reseki , buleh maghi pulok jalae negero dia.
Katonyo lagi , kalau nok buat pasport @ paspor harga nya sangat-sangat mahal , Sebab tu lah ramai orghe Indonesia masuk Malaysia tak dok pasport. Nok buat pasport sapa nok keno jua harto @ tanoh....

Faham tak??
Faham Tak ??

Bayarae hok pB keno untuk tour guide tu pulok ... IDR 450 ribu @ RM RM 157.50 . Itu pun pB mitok diskaun. Kalau tidok keno IDR600 untuk 1jam 40 minit. Semua bayarae ni , kito kongsi bayar. Kiro palo'. Kalau sorghe tanggung , botokkk lah weh.

Faham tak ??

Maso kito orghe nok keluar dari kawasae kawoh tu , ramai lagi hok sedang turun. Semuonya orghe dari Malaysia. Dalae hati dok kato , pah ni keno PAU jugok lar nie ...

Ini pintu keluar.
Lain dari yang masa mula mula sampai.
Ini pertengahan jalan ke Gunung sebenarnya.
Kenderaan dari atas akan tunggu di sini .....


Masuk-masuk dalae van , semua saaaa daaaaa letih. Pa'lo lutut pB berdenyut-denyut sakit. Urat poho sero te'rek (tegang) tok leh nok royak. Makae strawberry lagi. Tok Ma , Tok Ma Salor punyo borong strawberry. Tapi lah-lah tahu , strawberry tu manih sebab demo tu celuk dalae air gulo. Keno tipu lagi....

Dari sini , kito orghe ke Kampung Daun , untuk makae-makae. Badan letih , peruk pun lapar.

Perjalanae dari sini ke Kampung Daun cuma dalae 8 km jah. Tapi sero jauh lar sebab jalae musing-musing turun Gunung. Kebetulae pulok maso tu , hujae renyai-renyai. Tengok kiri kanae ado gerai-gerai jua buoh supo nenas , jagung . Tapi tok berhenti pun walau dalae hati pB , teringin sungguh nok raso. Mesti sedap sebab fresh dari kebun.


 Sapa-sapa Kampung Daun , hujae renyai-renyai lagi. Sejuk jah tapi rusing jugok lah sebab bowok budok kecik-kecik ni. Takut demae , selsemo. Ubat spare memae bowok.


Pintu masuk dari jalan besar.

Ini pintu gerbang nak masuk ke K.Daun.
 Perlu beratur di sini untuk dapatkan tempat @ pondok.




Kebetulae haghi tu haghi sabtu , ramai sungguh hok maghi sini nok makae. Kalau tok silap maso ni , baghu pukul 11 lebih. Beratur jangae tok beratur.

Semetaro tunggu dapat no pondok , duduk dulu.
Tok che'kak doh nok berdiri lamo ....

Bukeh  pondok no 29 nunnnnnnn atah bukit. Panjat lagi. Masyaallah , maso ni , pB raso pB jalae herek (heret) kaki jah. Tak dok akak - akak. Panjat tanggo sero nok nangis. Tinggi pulok tu.


pB raso supo pB jalae setengoh jae nok buleh kor sapa. Tapi nasib baik tempat ni cantik. Sangat sangat cantik. Kito tengok gambar dulu deh. Hilae letih.





Masuk masuk pondok tu , budok - budok terus baring. Bukae budok-budok , orghe tuo pun samo. Dalae pondok tu siak ado banta-banta tu. Gambar atah tu , maso tengoh tengok menu.

Sini , bendo hok nak tra sangat ialah ikae Garumae. Esok kito sambung , pasal makanae sini.

7 comments:

MOKCIK AZWA said...

hehehe..pasal kena tipu pasal buah strawberry tu kan.. mujur kami telah diingatkan oleh tour guide awal2 lagi dari dalam bas untuk berhati2.

Buah strawberry tu dicelup gula supaya tahan lama dan nampak cantik berkilat. Buah raspberyy lagi la dorang dapat buat untung banyak sikit sebab pokoknya mudah sangat tumbuh di pagar2 rumah dorang. Maklum cuaca sana sejuk kan. Sebab tu azwa memang tak beli pun... tapi ada juga kawan2 yang kesian kat dorang beli la jugak. akhirnya dibuang macam tu jer sebab cepat rosaknya. klu nak beli pun beli la sekadar cukup makan terus beramai dan dan tu gak hehehe

yang agak pelik dorang ni kan ( yang penjual tu la), dia akan ikuuutttttttt kita dari mula turun bas sampaiiiiii la kita nak naik bas balik untuk memujuk kita membeli barang dorang.. memang pelik sungguh. kalau org kita, orang tak ndak, kita cari customer lain..

anyway, Kampung Daun itu sangattttt cantiikkkk!!! next trip nak ke sana la pulaks hehehe

Irfa said...

tak kisahlah niat nak nak sedekah pun
tapi rasa tak patut sbb bakpo yang kena citer sume citer sedih tu
mesti ada niat nak suh oghe siye keh?
maaflah..sero tak berminat pulok nk gi sini.huhu
dohlah oghe jenis lembut hati..mudah sgt siye

takpelah..baca citer kakpb pun supo doh gi sekali
siye pulok dengar sampai sakit lutut
oghe pun xleh jalae lama-lama..panjat tangga lagi fail

pemandangan mmg lawa ;)

Rumah Kuning said...

macae2 caro demo tu buat nak buleh samah serial.bab nipu tu hak tak tahaenyo.

Unknown said...

Salam kenal pB, tak boleh baca laju ni sb pening kepala nak fahamkan. Walaupun hubby org Kelantan, belum faham betul loghat kelantan ni.

zino said...

tengaok gambar je baca 10 kali pun tak guna tak paham juga hehe

Irfa said...

hai zana..takpe..slow-slow baca mesti buleh pehe ;)

maklang said...

cantek kat mana ni? ikan Guramae goreng garing memang sedap!

Hmmm

Entry lepas perasae nok post kat fesbuk , tok leh sebab fren waktu pejabat kul 830 pagi. kul 900 tok masuk lagi pakat dok lepok kat bo...